06/01/2008

古 天 樂 昨 日 為 新 片 的 驚 險 飛 車 鏡 頭 試 戲 ， 結 果 由 特 技 人 演 出 的 一 場 反 車 戲 因 稍 有 偏 差 ， 現 場 爆 出 震 耳 欲 聾 的 巨 響 ， 令 在 場 的 台 前 幕 後 均 擔 心 意 外 發 生 ， 原 本 持 相 機 輕 鬆 snap shot 影 相 的 古 仔 被 嚇 得 目 瞪 口 呆 ， 立 即 趨 前 了 解 情 況 。

古 仔 最 近 埋 首 為 英 皇 電 影 《 保 持 通 話 》 的 開 拍 做 準 備 工 夫 ， 昨 日 更 與 台 前 幕 後 拉 隊 到 大 埔 工 業 繼 續 試 戲 。 劇 情 交 代 古 仔 為 左 閃 右 避 迎 面 而 來 的 車 輛 ， 必 須 在 馬 路 上 以 「 S 」 形 驚 險 駕 車 ， 結 果 發 生 車 禍 ， 其 中 一 輛 路 過 汽 車 被 尾 隨 車 輛 撞 到 飛 起 ， 至 全 車 反 轉 ！

賽 車 高 手 壓 陣
劇 組 為 安 全 起 見 ， 找 來 賽 車 「 甩 尾 高 手 」 海 棠 協 助 拍 攝 ， 古 仔 未 埋 位 前 不 停 與 對 方 密 斟 ， 並 多 次 度 位 及 試 位 ， 不 過 正 式 試 戲 時 ， 海 棠 所 駕 駛 的 車 輛 卻 跟 原 定 的 定 位 略 有 偏 差 ， 未 能 成 功 完 成 鏡 頭 兼 撞 到 飛 起 ， 反 車 直 落 插 地 時 更 爆 出 巨 響 。

當 時 身 在 另 一 車 廂 的 古 仔 及 所 有 工 作 人 員 均 被 嚇 得 目 瞪 口 呆 ， 急 忙 衝 前 查 看 研 究 ， 幸 好 身 經 百 戰 的 海 棠 並 無 大 礙 。 事 後 古 仔 表 示 ： 「 真 係 擔 心 佢 受 傷 ， 好 彩 冇 耐 見 佢 可 以 自 行 由 車 廂 步 出 ， 我 先 定 啲 咋 。 」

安 排 先 甜 後 苦
至 於 導 演 陳 木 勝 則 笑 說 ： 「 呢 場 撞 車 戲 同 上 星 期 試 嘅 場 口 係 同 一 組 嘅 ， 不 過 上 星 期 係 古 仔 第 一 日 試 拍 ， 我 唔 想 嚇 親 佢 ， 咪 畀 啲 簡 單 啲 嘅 佢 ， 將 呢 場 戲 順 延 到 今 日 至 拍 ， 等 佢 先 甜 後 苦 。 」 近 日 迷 上 攝 影 的 古 仔 ， 不 用 埋 位 時 見 他 拿 出 私 伙 相 機 四 圍 輕 鬆 snap shot 「 獵 影 」 ， 期 間 他 還 趁 機 更 新 個 人 網 誌 ， 上 載 多 張 型 男 相 去 「 慰 藉 」 fans ， 難 怪 古 仔 的 Blog 內 經 常 有 最 新 動 向 及 最 新 相 ， 可 見 古 仔 十 分 「 勤 力 」 寫 Blog ！

據 悉 ， 《 保 》 片 投 資 逾 三 千 萬 ， 預 計 今 年 年 尾 上 映 ， 而 女 主 角 徐 熙 媛 （ 大 S ） 將 於 月 底 正 式 向 劇 組 報 到 「 入 隊 」 ， 屆 時 便 與 古 仔 及 另 一 男 主 角 劉 燁 「 鬥 戲 」 。