27/11/2007

麥 浚 龍 （ Juno ） 、 余 文 樂 及 陳 冠 希 曾 分 別 與 鍾 欣 桐 （ 阿 嬌 ） 鬧 緋 聞 ， 四 人 合 作 的 電 影 《 破 事 兒 》 頓 成 焦 點 ， 結 果 只 得 Juno 能 一 親 阿 嬌 香 澤 ， 兩 人 於 熱 爆 車 底 咀 足 三 粒 鐘 ， 勁 考 耐 力 與 體 力 ！

坊 間 一 直 盛 傳 Juno 力 追 阿 嬌 ， 雖 然 當 事 人 矢 口 否 認 ， 但 緋 聞 仍 不 絕 於 耳 ， 早 前 兩 人 與 余 文 樂 、 陳 冠 希 合 演 電 影 《 破 事 兒 》 ， 即 成 傳 媒 焦 點 ， 但 原 來 戲 中 只 有 麥 浚 龍 與 阿 嬌 有 對 手 戲 ， 兩 人 更 飾 演 夫 婦 及 有 一 場 車 底 咀 戲 。

阿 澤 讚 捱 得
單 看 「 帳 面 」 Juno 艷 福 不 淺 ， 但 他 背 後 卻 付 出 了 不 少 汗 水 與 體 力 ， 監 製 杜 汶 澤 表 示 ： 「 呢 場 咀 戲 咪 以 為 拍 得 好 過 癮 ， 其 實 好 難 受 ， 因 為 有 傳 媒 想 偷 拍 ， 搞 到 我 哋 要 圍 晒 黑 布 拍 ， 車 房 裏 面 無 冷 氣 ， 空 氣 又 唔 流 通 ， 佢 哋 兩 個 瞓 喺 車 底 ， 活 動 範 圍 好 小 ， 加 上 呢 個 鏡 頭 比 較 長 ， 佢 哋 好 難 就 到 鏡 頭 ， 結 果 拍 咗 三 個 鐘 頭 先 完 成 ， 睇 住 佢 哋 都 覺 辛 苦 ， 好 多 人 以 為 Juno 係 少 爺 仔 唔 捱 得 ， 其 實 佢 係 最 捱 得 嘅 一 個 ！ 」

Juno 被 問 到 是 否 因 為 能 跟 阿 嬌 錫 錫 而 接 拍 該 片 ， 他 表 示 ： 「 呢 啲 係 個 體 戶 與 個 體 戶 間 嘅 合 作 ， 邊 個 係 女 主 角 都 唔 關 事 ， 杜 汶 澤 打 嚟 公 司 搵 我 拍 戲 ， 我 睇 咗 劇 本 覺 得 幾 特 別 ， 要 做 紋 身 車 房 工 人 ， 之 後 同 阿 澤 見 面 ， 佢 叫 我 除 衫 畀 佢 睇 ， 之 後 佢 話 我 好 合 乎 佢 要 求 ， 希 望 我 演 個 角 色 。 」

跟 緋 聞 女 友 阿 嬌 有 咀 戲 ， Juno 揚 言 不 尷 尬 ： 「 大 家 係 好 朋 友 ， 一 啲 尷 尬 都 無 ， 啲 人 講 話 邊 個 追 邊 個 ， 全 部 都 係 寫 出 嚟 之 嘛 ， 我 唔 會 因 為 呢 樣 嘢 覺 得 尷 尬 。 」

片 段 網 上 播
戲 中 阿 嬌 與 Juno 由 戀 人 變 成 夫 婦 ， 很 年 輕 就 已 成 家 立 室 ， Juno 揚 言 ， 自 己 十 八 歲 時 ， 亦 有 想 過 到 外 國 讀 書 然 後 結 婚 ， 但 因 當 時 沒 女 友 ， 所 以 只 是 空 想 ， 而 現 在 因 要 做 生 意 ， 最 快 都 要 三 十 歲 才 會 結 婚 。 另 外 ， 最 近 網 上 流 傳 不 少 《 破 》 片 片 段 ， 當 中 包 括 曾 傳 不 和 的 阿 嬌 與 鄧 麗 欣 唱 K 片 段 ， 題 目 更 抵 死 地 以 兩 人 「 破 冰 」 為 題 ， 另 一 片 段 是 陳 奕 迅 女 友 為 他 口 交 的 戲 ， 雖 然 鏡 頭 輕 輕 帶 過 ， 但 意 識 大 膽 。